Sport24.az
"Turan Tovuz" Misli Premyer Liqasının 8-ci turunda "Azersun Arena"da "Qarabağ"a 1:2 hesabı ilə uduzub. Sport24.az xəbər verir ki, Qərb bölgəsi təmsilçisinin baş məşqçisi Kurban Berdiyev oyundan sonra keçirilən mətbuat konfransında jurnalistlərin suallarını cavablandırıb:
- Hər iki komanda yaxşı oyun nümayiş etdirdi. Təəssüflər olsun ki, ikinci hissənin ilk 10 dəqiqəsində 2 qol buraxdıq. "Qarabağ" kimi komandaya qarşı oynamaq çətindir. Onlara Çempionlar Liqasında uğurlar arzulayıram.
- Son 15 dəqiqədə sanki komandada fiziki cəhətdən eniş var idi. Siz necə düşünürsünüz?
- Elə düşünmürəm. Fiziki baxımdan düşüş yox idi.
- İki hissə arasında hansı fərq var idi?
- Əvəzetmələr "Qarabağ"ın oyununu çox gücləndirdi. İkinci hissənin müəyyən qismində istədik ki, hesabı qoruyaq. Bu, bizə bir az mane oldu. Amma "Qarabağ"ın haqqını vermək lazımdır. Yaxşı oynadılar.
- Əvəzetmələrdə gecikdiyinizi düşünmürsüz?
- Xeyr, belə planlaşdırmışdıq.
