Sport24.az
Misli Premyer Liqasının I turunun "İmişli" – "Turan Tovuz" oyunundan (0:1) sonra qonaq komandanın baş məşqçisi Kurban Berdıyev jurnalistlərin suallarını cavablandırdı. Sport24.az xəbər verir ki, mütəxəssis əvvəlcə görüşlə bağlı fikirlərini bölüşdü…
– Təxmin etdiyimiz kimi ilk oyun ağır oldu. Rəqib yaxşı müdafiə olunurdu. Şükürlər olsun, qələbə qazandıq.
– Qol vurmaqda çətinlik çəkirsiniz. Bu problemi necə həll etməyi düşünürsünüz?
– İlk oyunlar həmişə çətin olur. Toplanışa gec qoşulan oyunçular oldu. İbrahima Vadjiyə hazır olmaqçün vaxt lazımdır.
– İlk hissədə futbolçulara tez-tez əsəbləşirdiniz. Hansı tapşırıqlarınızı icra edə bilmirdilər?
– Bəzi məqamlar var ki, işləmişdik, amma alınmadı.
– Klub rəhbəri hədəflərinin çempionluq olduğunu dedi. Bugünkü oyunla həmin iddialara kölgə düşmədi?
– Məqsəd ciddidir və buna çatmağa çalışacağıq.
– Komandanın sol cinahında solaxay müdafiəçinin olmamağı problemdir?
– Düzdür, bu mövqe güclənməlidir. Müəyyən danışıqlarımız var.
– Neçə oyunçu transferi gözlənilir?
– Azı 2 istərdik, görək necə alınır.
– Rəhim Sadıxovun sona qədər meydanda qalmasının səbəbi nə idi?
– Rəhimin pis oynadığını düşünmürəm. Böyük iş gördü.
– Legioner transferini David Tavareş nə üçün heyətdə yox idi?
– Təəssüf ki, zədələnib.Yavaş-yavaş bərpa olur. Güman edirik ki, bizə kömək edəcək.
– Veysəl Rzayev meydana daxil olandan sonra top ona gələndə azarkeşlər tərəfindən fitə basılırdı. Azarkeşlərlə arasında olan problem Veysəlin oyununa necə təsir edəcək?
– Veysəl oyunçumuzdur. Digərlərinə olduğu kimi ona da eyni yanaşıram.
– Kapitan Şəhriyar Əliyevin kənarda qalması nə ilə bağlıdır?
– Rəqabətlə bağlıdır. Bu mövsüm müdafiədə güclü rəqabət var. Bununla bağlı məsələdir. Kim güclüdürsə, oynayır.
– Veysəl Rzayevin azarkeşlərlə arasını düzəltməyə çalışacaqsınız?
– Bəli, çalışacağıq.
