Sport24.az
Müdafiəçi Kalidu Kulibali Seneqal millisinin İngiltərə ilə yoldaşlıq görüşündə qazandıqları qələbəni (3:1) şərh edib. Sport24.az xəbər verir ki, o, bununla bağlı BBC-yə açıqlama verib:
"Möhtəşəm bir gecə idi! Biz bu qarşılaşmada uğurlu nəticə qazanacağımıza inanırdıq. Möhtəşən tarixi anlara öyrəşməmişik. Lakin biz bunu bir dəfə 2021-ci ildə keçirilən Afrika Millətlər Kubokunun finalında yaşamışıq. Bu gün bir daha həmin anları yaşadıq və azarkeşlərimizə yaşatdıq. Biz çalışırıq Seneqalı inkişaf etdirək və dünyaya layiqli millət olduğumuzu göstərək".
Qeyd edək ki, Seneqal millisi tarixdə İngiltərəni məğlub edən ilk Afrika komandası oldu. Bundan əvvəl Afrika milliləri ilə matçlarda İngiltərə millisi 15 dəfə qalib gəlib, 6 dəfə heç-heçə edib.
