İdman.biz
"Rəqibi bir xala görə təbrik edirəm. Oyunun taleyini 1-ci hissədə həll etməli idik".
İdman.biz xəbər verir ki, bunu "Sabah"ın baş məşqçisi Krunoslav Renduliç deyib.
Xorvatiyalı mütəxəssis Azərbaycan Premyer Liqasının 1-ci turunda "Şamaxı" ilə oyunu şərh edib. O, fasilədən sonra səhvlər etdiklərini bildirib: "Hissənin sonlarında qol buraxdıq. Fasilədən sonra səhvimiz oldu, rəqib bundan yararlandı. "Şamaxı"nın çərçivəyə iki zərbəsi oldu və bunlar qolla nəticələndi. Nəzərə almaq lazımdır ki, "Makkabi" ilə ağır oyun keçirmişdik. Cavab matçı 3 saat çəkdi. Futbolçular fiziki və mental cəhətdən çox yorulmuşdular. Dünyada da belədir, bu tip matçlardan sonra rəqibin kimliyindən asılı olmayaraq, xal itkisi mümkündür. Bəhanələrə sığınmaq istəməzdim. Bu gün üç qırmızı vərəqəyə və zədələrə görə, oyunu buraxan futbolçularımız var idi. Oynamayan futbolçular meydana çıxdı. Mən onların performansından da razı qaldım".
Qeyd edək ki, "Sabah" öz meydanında 2:0 hesablı qələbə hesabını qoruya bilməyib. "Şamaxı" ilə görüş heç-heçə yekunlaşıb (2:2).
İdman.biz
