Sport24.az
"Qələbəyə layiq idik. Bu barədə heç bir şübhə ola bilməz".
Sport24.az xəbər verir ki, bunu "Sabah"ın baş məşqçisi Krunoslav Renduliç deyib.
Xorvatiyalı mütəxəssis Azərbaycan Premyer Liqasının III turunda "Neftçi" üzərində qazanılan 2:0 hesablı qələbəni şərh edib: "İlk saniyələrdən məqsədimiz 3 xal götürmək idi. Bir ay arzində 7-ci oyunumuz oldu. Bu oyun göstərdi ki, fiziki cəhətdən hazırıq. Bu, bizim mental cəhətdən də güclü olduğumuzu göstərir. Xoşbəxtəm ki, qapımızda qol görmədik. "Neftçi"yə heç bir şans vermədik. Onlar qapımızda qol vəziyyəti yarada bilmədilər. Rəhbərliklə demək olar ki, hər gün danışırıq. Nəticələr futbolda normaldır. Bəzən istədiyin kimi olmur. İki cəbhədə vuruşmaq hər kəs üçün ağırdır. Amma bu gün oyunçularımın reaksiyası mükəmməl idi".
Qeyd edək ki, "Sabah" mövsümdə ilk qələbəsini qazanıb.
