Sport24.az
Madrid "Real"ının sabiq yarımmüdafiəçisi Toni Kroos Çempionlar Liqasının 1/4 final mərhələsinin ilk oyununda komandasının "Arsenal"la oyununu (0:3) tənqid edib. Sport24.az xəbər verir ki, o, "Real"ın hər zaman qol vurmaq gücünə malik olduğunu, lakin bu dəfə aciz durumda qaldıqlarını qeyd edib:
"Hesab 0:2 olandan sonra sonun gəldiyi düşünülürdü. Təcrübəmə görə, "Real" məğlub olanda, hər zaman qolun vurula biləcəyi epizodları olur. Bu dəfə hər buraxılan qoldan sonra o mentaliteti əldən verildi. Qol vurmaq vacib idi, amma sanki "zəhmət olmasa, bizə dördüncü qolu vurma!" deyirdilər.
Komandamız cavab oyununda özünü ən yaxşı tərəfdən göstərməlidir. Azarkeşlər "Bernabeuda" olacaqlar. Dayanmadan hücuma keçməliyik".
"Real" – "Arsenal" arasında cavab matçı aprelin 16-sı saat 23:00-da start götürəcək.
