Lent.az
"Çelsi"nin fransalı hücumçusu Kristofer Nkunku "Milan"a keçib.
Lent.az xəbər verir ki, bu barədə İtaliya klubunun saytında məlumat verilib.
27 yaşlı forvard 2030-cu il iyulun 30-na qədər müqavilə imzalayıb. Transferin məbləği 37 milyon avro təşkil edib.
Bundesliqa 2022/23 mövsümünün ən yaxşı bombardiri olan Nkunku, 2023-cü ilin yayında "Leyptsiq"dən 60 milyon avroya "Çelsi"yə keçmişdi. Lakin London klubunda özünü tam göstərə bilmədi, 62 oyunda cəmi 18 qol vurdu.
Fransa millisinin heyətində isə onun aktivində 14 oyun və 1 qol var.
