Idman.biz
Portuqaliya polisi Madeyra adasının Funşal şəhərində hücumçu Kriştianu Ronaldunun muzeyinin yanında yerləşən heykəlini yandıran gənci həbs edib.
İdman.Biz xəbər verir ki, yanğın törədən şəxs cinayəti videoya çəkib və sosial mediada paylaşıb. Videoda o, heykəlin üzərinə tezalışan maye tökür, onu yandırır və sonra rep musiqisi sədaları altında rəqs etməyə başlayır. Yerli polis bu işi vandalizm kimi qiymətləndirir.
"Polis Funşaldakı CR7 Muzeyinin yanında Kriştiano Ronaldonun heykəlini yandıran şəxsi müəyyən edib və həbs edib", - polis idarəsi özünün X sosial media səhifəsində bildirib.
Gənc adam Santa Kruz bələdiyyəsində saxlanılıb və sonradan xəstəxanaya aparılıb.
Təsvirdə müəllif özünü "insan, sərbəst peşə sahibi və yerli" kimi təqdim edir və sirli bir mesaj əlavə edir: "Bu, Tanrının son xəbərdarlığıdır".
