Sport24.az
"Əl-Nasr"ın hücumçusu Kriştianu Ronaldo Səudiyyə Ərəbistanı çempionatının 34-cü turunun "Əl-Fateh"lə final oyunundan (2:3) sonra klubdan ayrılacağına eyham vurub. Sport24.az xəbər verir ki, ulduz futbolçu bununla bağlı sosial şəbəkədə paylaşım edib:
"Bu fəsil də bitdi. Hekayə? Hələ yazılır. Hər kəsə təşəkkür edirəm".
Qeyd edək ki, "Əl Nəsr" cari mövsümü üçüncü pillədə başa vurub. Ronaldo isə 25 qolla turnirin bombardiri olub. Futbolçunun Səudiyyə klubu ilə müqaviləsi 2025-ci il iyunun 30-da başa çatır.
Bir müddət əvvəl FİFA prezidenti Canni İnfantino mətbuata açıqlamasında 40 yaşlı portuqaliyalının klublararası dünya çempionatında oynaya biləcəyini açıqlamışdı. "Əl-Nasr" isə bu turnirə qatılmır.
