Sport24.az
Portuqaliya millisinin hücumçusu Kriştiano Ronaldo Millətlər Liqasının finalında qazanılan qələbədən (2:2, 5:3 pen.) sonra ispaniyalı hücumçu Lamin Yamal haqda danışıb. Sport24.az xəbər verir ki, portuqaliyalı ulduz bu barədə "Mundo Deportivo"ya açıqlama verib:
"O, həm komanda, həm də fərdi olaraq bir çox titullar qazanacaq. Onun cəmi 17 yaşı var... Yenə deyirəm, onun böyümək üçün böyük potensialı var. O, fenomendir, amma onu indi sakit buraxmaq lazımdır. Mən bunu xahiş edirəm. Onu uzun karyera gözləyir və yəqin ki, Millətlər Liqasını bir neçə dəfə qazanacaq".
Qeyd edək ki, İspaniya millisi 3-cü dəfə Millətlər Liqasının finalına yüksəlsə də, 2-ci dəfə meydanı məyus tərk edib. Portuqaliya da öz növbəsində ikinci dəfə bu turnirin qalibi olub. Portuqaliyalılar Millətlər Liqasında ilk qələbəsini 2019-cu ildə qazanıblar.
