Sport24.az
Kriştiano Ronaldo Antonio Kassanonun onu bütün zamanların "ən yaxşı on oyunçusu" siyahısına daxil etməməsindən narazı qalıb. Sport24.az xəbər verir ki, bu barədə Kassano sosial şəbəkə hesabında paylaşım edib və bildirib ki, məsələ ilə əlaqədar Ronaldodan mesaj alıb:
"Mənim bir nömrəm braziliyalı Ronaldodur. Kriştiano Ronaldo mənim ilk "beşliy"imdə, hətta ilk "onluğum"da da deyil, çünki oyunçuda tamamilə fərqli keyfiyyətlərə dəyər verirəm.
Ertəsi gün işimi bitirdikdən sonra İspaniyadan, +34 kodu ilə başlayan nömrədən SMS aldım. Bu, onun bütün kuboklarının, qollarının və statistikasının siyahısı idi. Sonra mənə səsli mesaj göndərdi: "Mənə hörmətsizlik etdin, bir daha etmə. Cəmi 150 qol vurdun və yalnız dörd kubok qazandın!"
Mən isə ona belə cavab verdim: "Əziz Kriştiano, məni dinlə. Sənə hörmət etmədiyimi düşünürsən. Amma mən səni sadəcə bir oyunçu kimi sevmirəm. Problem nədir?"
