Idman.biz
"Əl-Nəsr"lə müqaviləsi gələn ilin yayında başa çatacaq hücumçu Kriştiano Ronaldoya adı açıqlanmayan Braziliya klubundan təklif gəlib.
İdman.biz xəbər verir ki, bu barədə "Marca" məlumat yayıb.
Braziliya komandası portuqaliyalı futbolçuya bazar qiymətlərini aşan şərtlər irəli sürür. Ronaldonun bu təklifi qəbul etməklə klublararası dünya çempionatında oynamaq imkanı qazanacağı vurğulanır.
Hazırda "Əl-Nasr" və 40 yaşlı forvard komandada qaldığı müddətdə böyük uğur əldə etmədiyi üçün müqaviləsinin uzadılmasının məqsədəuyğunluğuna şübhə ilə yanaşır.
Qeyd edək ki, iyunun 15-də start götürəcək klublararası dünya çempionatında Braziliyanın 4 komandası - Palmeiras, Flamengo, Fluminense və Botafoqo mübarizə aparacaq.
İdman.biz
