Sport24.az
"Əl-Nəsr"in 39 yaşlı hücumçusu Kriştiano Ronaldo gələcəyi ilə bağlı sualı cavablandırıb. Sport24.az xəbər verir ki, Portuqaliya mətbuatına danışan təcrübəli futbolçu Səudiyyə Ərəbistanında qalmaq istədiyini dilə gətirib:
"Ailəm və mən Səudiyyə Ərəbistanında xoşbəxtik. Biz bu gözəl ölkədə yeni həyata başladıq. Həyat gözəldir, futbol möhtəşəmdir. Ən əsası peşəkar olmaq, çox çalışmaq, kluba və müqavilənizə hörmət etmək, hər şeyin yaxşıya doğru dəyişəcəyinə, "Əl-Nəsr"in daha çox titul qazanacağına inanmaqdır. Bu klubla Asiya Çempionlar Liqasını qazanmaq istəyirəm. Amma ən əsası işləməyə davam etmək və peşəkar olmaq lazımdır. Çalışmağa və "Əl-Nəsr"ə titul qazanmasına kömək edəcəm. İnanıram ki, bu il klub üçün hər şey daha yaxşı olacaq".
Qeyd edək ki, Ronaldonun klubla müqavilə müddəti 2025-ci il iyunun 30-na qədərdir.
