Sport24.az
Portuqaliya millisinin və "Əl-Nəsr"ın hücumçusu Kriştiano Ronaldo millinin qarşıdakı oyunları və seçmə mərhələ üçün hədəfləri barədə fikirlərini bölüşüb. Sport24.az xəbər verir ki, ulduz futbolçu bu barədə "O Bola"ya açıqlama verib:
"Hər dəfə qarşıdakı matç barədə düşünməliyik. Əlbəttə ki, məqsəd dünya çempionatına vəsiqə qazanmaq və qalib gəlməkdir. Lakin hər mərhələyə tədricən yaxınlaşmalıyıq. İndi iki ev matçımız var və Roberto Martinesin dediyi kimi, bu andan həzz almaq vacibdir. Evdə, azarkeşlərimizlə oynayanda biz xüsusilə güclü oluruq. Portuqaliya üçün oynamaq mənim üçün şərəfdir. Mən əminəm ki, qarşıdakı oyunlarda uğurlu olacağıq və mundiala vəsiqə qazanacağıq".
Qeyd edək ki, Ronaldo karyerası ərzində klub səviyyəsində 805, millidə isə 141 qol vurub.
