Idman.biz
Kriştiano Ronaldo ABŞ-də keçirilən klublararası dünya çempionatında iştirakla bağlı bir sıra klublardan gələn təklifləri niyə rədd etdiyini açıqlayıb.
İdman.biz xəbər verir ki, buna səbəb hücumçunun diqqətini toparlanmaq və gərgin mövsüm üçün hazırlığa üstünlük verməsi olub.
Portuqaliyalı ulduz klublararası dünya çempionatında oynamaq təklifləri alsa da, lakin bunun heç bir mənasının olmadığını bildirib: "Yaxşı dincəlməyə və hazırlaşmağa qərar verdim. Çünki növbəti mövsüm uzun olacaq, o cümlədən dünya çempionatında iştirak. Mən təkcə "Əl-Nəsr" üçün deyil, milli komanda üçün də hazır olmaq istəyirəm. Ona görə də başqa variantlardan imtina etdim".
Qeyd edək ki, Ronaldo "Əl-Nəsr"də 2023-cü ilin yanvarından çıxış edir. O, ötən mövsüm bütün turnirlərdə 35 qol vurub və 4 məhsuldar ötürmə edib.
İdman.biz
