Sport24.az
"Əl-Nəsr" və Portuqaliya millisinin hücumçusu Kriştiano Ronaldo peşəkar karyerasında 950-ci qolunu şərh edib. Sport24.az xəbər verir ki, ulduz futbolçu bununla bağlı "Canal 11"ə açıqlama verib:
"İnsanlar, xüsusən də ailəm deyir ki, dayanmağın vaxtıdır. Hər şeyə nail olmusan. Niyə min qol vurmaq istəyirsən?' Amma mən belə düşünmürəm. Məncə, hələ də yaxşı işlər görürəm, klubuma və milli komandaya kömək edirəm və niyə davam etmiyim? Əminəm ki, karyeramı bitirəndə etdiklərimə görə məmnun olacağam. Çünki bu pilləyə yüksəlmək üçün bütün gücümü sərf etmişəm. Bilirəm ki, elə də çox ilim qalmayıb. Qalan müddətdən zövq almağa çalışıram".
Qeyd edək ki, 40 yaşlı futbolçu Səudiyyə Ərəbistanı çempionatının 6-cı turu çərçivəsində baş tutan "Əl-Həzm" ilə görüşdə karyerasında 950-ci qolu vurub. Ronaldo 2023-cü ilin yanvarından "Əl-Nəsr"in formasını geyinir. O, karyerası ərzində həmçinin "Mançester Yunayted", "Yuventus", "Real" və "Sportinq"də də oynayıb.
