Idman.biz
Portuqaliya millisinin hücumçusu Kriştiano Ronaldo 2025-ci il klublararası dünya çempionatında oynamayacağını açıqlayıb.
İdman.biz xəbər verir ki, daha əvvəl mətbuatda 40 yaşlı portuqaliyalının "Əl-Nəsr"lə yeni müqavilə imzalayacağı və klubların mundialında iştirak etmək üçün icarə əsasında "Əl-Hilal"a keçə biləcəyi barədə xəbərlər yayılmışdı.
Jurnalist Fabrisio Romano bu mövzu ilə bağlı Ronaldonun sözlərini belə çatdırıb: "Çox sayda dəvət və təkliflərə baxmayaraq, klubların dünya çempionatında oynamayacağım barədə qərar vermişəm. Çoxlu danışıqlar, ünsiyyətimiz oldu... Amma qısamüddətli, orta və uzunmüddətli perspektivləri düşünüb dəyərləndirməliyik".
Qeyd edək ki, klubların dünya çempionatı iyunun 14-dən iyulun 13-dək ABŞ-da keçiriləcək.
İdman.biz
