Idman.biz
"Əl-Nəsr"in və Portuqaliya millisinin hücumçusu Kriştiano Ronaldo "Forbes"in reytinqinə əsasən, 2025-ci ildə dünyanın ən çox qazanan futbolçusu olub.
İdman.Biz xəbər verir ki, nəşrin məlumatına görə, Ronaldo 2025/26 mövsümündə klubla kommersiya müqavilələrindən irəli gələn maddi stimullar və maaşı nəzərə alınmaqla "Əl-Nəsr"da 230 milyon dollar qazanacaq.
Portuqaliyalı sponsorluq müqavilələrindən əlavə 50 milyon dollar qazanacaq. Bu, 40 yaşlı oyunçunun vergilər və agent komissiyaları çıxılmamış illik gəlirini 280 milyon dollara çatdırır.
İkinci yeri "İnter Mayami"nin və Argentinanın hücumçusu Lionel Messi (130 milyon dollar), üçüncü yeri isə "Əl-İttihad"ın hücumçusu Kərim Benzema (104 milyon dollar) tutur.
"Forbes" jurnalına görə 2025-ci ilin ən çox qazanan futbolçuları:
1. Kriştiano Ronaldo (Portuqaliya, "Əl-Nəsr") — 280 milyon dollar
2. Lionel Messi (Argentina, "İnter Mayami") — 130 milyon
3. Kərim Benzema (Fransa, "Əl-İttihad") — 104 milyon
4. Kilian Mbappe (Fransa, "Real Madrid") — 95 milyon
5. Erlinq Haland (Norveç, "Mançester Siti") — 80 milyon
6. Vinisius (Braziliya, "Real Madrid") — 60 milyon
7. Məhəmməd Salah (Misir, "Liverpul") — 55 milyon
8. Sadio Mane (Seneqal, "Əl-Nəsr") — 54 milyon
9. Cud Bellingem (İngiltərə, "Real Madrid") — 44 milyon
10. Lamin Yamal (İspaniya, "Barselona") – 43 milyon.
