Sport24.az
Misli Premyer Liqasının II turu çərçivəsində baş tutan "Araz-Naxçıvan" – "Şamaxı" matçından sonra (1:0) meydan sahiblərinin qapıçısı Kristian Avraam Sport24.az-ın əməkdaşının suallarını cavablandırıb. Moldovalı qolkiper həm komandasının mövsümdə ilk qələbəsini şərh edib, həm də burdakı həyatı barədə danışıb.
- Mövsümdə ilk qələbənizi qazandız. Təəssüratların maraqlıdı...
- Meydandan qələbəylə ayrılmaq həmişə xoşdu. "Şamaxı" ilə oyuna maksimum ciddi hazırlaşmışdıq. Sevinirəm ki, bu gün əziyyətimizin bəhrəsini gördük və 3 xal qazandıq.
- Komandanda ən yaxşılardan idin, bir neçə seyvlə rəqibin sevinməsinə mane oldun. Ötən ilki Kristianın performansı ilə indiki arasında hər hansı fərq var?
- Bu suala məşqçilər korpusunu daha dəqiq cavab verə bilər. Mən isə qarşıma bacardığım qədər üzərimdə çalışıb daha yaxşı formada olmağı məqsəd qoymuşam. Ona görə də məşqlərdə tər tökməklə məşqçilərin tapşırıq və göstərişlərini səylə yerinə yetirirəm.
- Bu mövsüm qarşınıza hansı hədəf qoyulub?
- Hələ çempuonat yeni başlayıb. Kollektivimiz yeni oyunçular çoxdu. Hələ bir-birimizə tam uyğunlaşmamışıq. Amma ümumi götürəndə oyun planında artırmaqla maksimum irəli getmək istəyirik.
- Cari mövsümü necə xarakterinə edərdin?
- Çempionatda yaxşı rəqabət var. Fikrimcə, elitanın səviyyəsi ilbəil inkişaf edir. Maliyə və peşəkarlaşma baxımından artım görürəm. Məncə, qarşıdakı illərdə Azərbaycan çempionatına maraq daha da artacaq.
- Azərbaycanda özünü rahat hiss edirsən?
- Bir insanın rahat yaşaması üçün ölkənizdə hər cür şərait var. Azərbaycanlıların əksəriyyətinin rus dillini bilməsi işimə yarayır. Demək olar ki, hamı rahat ünsiyyət qura bilirəm. Xalqınız da istiqanlıdı. Ümumi götürəndə, həm yaşamaq, həm də futbol oynamaq üçün Azərbaycan əlverişli ölkədi.
ABDULLA İSMAYILOĞLU
