Idman.biz
Futbol üzrə İngiltərə çempionatında 16-cı turun qarşılaşmaları 13-15 dekabr tarixlərində keçiriləcək və turnir cədvəlinin yuxarı pillələrində vəziyyətə ciddi təsir göstərə bilər.
İdman.Biz xəbər verir ki, top-7-də yer alan bir neçə komanda bu turda bir-biri ilə üz-üzə gələcək, çempionatın lideri isə rəqiblərin təzyiqi altında olacaq.
"Kristal Pelas" – "Mançester Siti" (14 dekabr)
Turun mərkəzi oyunu turnir cədvəlinin 4-cü və 2-ci komandalarının qarşılaşması olacaq. "Kristal Pelas"ın aktivində 26 xal var, "Mançester Siti" 31 xalla ikinci pillədə qərarlaşıb, lider "Arsenal" isə 33 xalla öndədir.
Bu görüş ötən mövsüm İngiltərə Kubokunun finalının revanşı kimi də maraq doğurur. Həmin matçda "Kristal Pelas" "Uembli"də 1:0 hesablı qələbə qazanaraq klub tarixində ilk böyük kuboku əldə etmişdi.
Ev sahiblərinin heyət dərinliyi ilə bağlı problemləri var. Jan-Filipp Mateta və İsmaila Sarrın oyunda iştirakı sual altındadır. APL-in rəsmi zədə siyahısında "Pelas"dan Daniyel Munyos, Şeyk Dukure, Kaleb Kporxa və Ceydi Kanvot yer alıb.
"Mançester Siti"də isə Rodri, Mateo Kovaçiç və Con Stounz hələ də sıradan kənardadır. Formaya və məhsuldarlığa gəlincə, qonaqlarda hücumun lideri Erlinq Holand 15 qolla ön plana çıxır. "Kristal Pelas"da isə ən çox qol vuran futbolçu Matetadır (7 qol). Meydan sahiblərinin qələbəsi onları ilk üçlüyə daha da yaxınlaşdıra bilər, qonaqların uğuru isə "Arsenal"ın xal itirəcəyi halda lider dəyişikliyi ilə nəticələnə bilər.
APL-in 16-cı turunun digər oyunları
"Çelsi" – "Everton" (13 dekabr)
"Liverpul" – "Brayton" (13 dekabr)
"Bernli" – "Fulhem" (13 dekabr)
"Arsenal" – "Vulverhempton" (13 dekabr)
"Nottinqem Forest" – "Tottenhem" (14 dekabr)
"Sanderlend" – "Nyukasl" (14 dekabr)
"Vest Hem" – "Aston Villa" (14 dekabr)
"Brentford" – "Lids" (14 dekabr)
"Mançester Yunayted" – "Bornmut" (15 dekabr)
16-cı tur öncəsi APL turnir cədvəlində klubların xalları:
"Arsenal" – 33
"Mançester Siti" – 31
"Aston Villa" – 30
"Kristal Pelas" – 26
"Çelsi" – 25
"Mançester Yunayted" – 25
"Everton" – 24
"Brayton" – 23
"Sanderlend" – 23
"Liverpul" – 23
"Tottenhem" – 22
"Nyukasl" – 22
"Bornmut" – 20
"Brentford" – 19
"Fulhem" – 17
"Lids" – 15
"Nottinqem Forest" – 15
"Vest Hem" – 13
"Bernli" – 10
"Vulverhempton" – 2
Teymur Tuşiyev
