Idman.biz
Braziliyanın "Vasko da Qamma" komandasının yarımmüdafiəçisi Filippe Koutinyo oğlunun ad gününü xüsusi şəkildə qeyd edib və tədbiri karyerası boyunca çıxış etdiyi bütün klubların formaları ilə bəzəyib.
İdman.Biz xəbər verir ki, həm Koutinyo, həm də ad günü sahibi olan oğlu mərasimdə "Liverpul" formasında olub. Bu detal sosial şəbəkələrdə "simvolik və emosional jest" kimi dəyərləndirilib.
Tədbirin dekorasiyasında "Vasko da Qama", "İnter", "Espanyol", "Liverpul", "Barselona", "Bavariya" və "Aston Villa" kimi klubların formalarının yer alması azarkeşlər tərəfindən nostalji addım kimi qarşılanıb.
Koutinyo bir neçə gün əvvəl verdiyi açıqlamada futbolun onun üçün ailə dəyəri ilə bağlı xüsusi yer tutduğunu vurğulamışdı və bu tədbir həmin fikrin davamı kimi qiymətləndirilir.
