Sport24.az
"Çelsi"nin futbolçusu Koul Palmerin İngiltərə Premyer Liqasının 13-cü turunda "Arsenal"la oyunda iştirak edib-etməyəcəyi müəyyənləşib. Sport24.az xəbər verir ki, bu brədə komandanın baş məşqçisi Enzo Mareska danışıb.
Mütəxəssis 23 yaşlı yarımmüdafiəçinin zədəsini sağaltdığını və onun London derbisi üçün start heyətdə yer almağa hazır olduğunu söyləyib:
"Bəli, Koul həm oynamağa, həm də start heyətdə yer almağa hazırdır. Onun qayıdışı çox yaxşı xəbərdir. Azarkeşlər, komanda yoldaşları xoşbəxtdir. Ən əsası, Koulun özü çox xoşbəxtdir. Çünki futbolçular hər gün oynamaq və məşq etmək istəyirlər".
Əlavə edək ki, noyabrın 30-da keçiriləcək "Çelsi" - "Arsenal" görüşü Bakı vaxtı ilə saat 20:30-da başlayacaq.
Qeyd edək ki, 12 turdan sonra "Arsenal" 29 xalla Premyer Liqada liderdir. 2-ci yerdəki "Çelsi"nin isə 23 xalı var.
