Sport24.az
İsveç millisi DÇ-2026-nın seçmə mərhələsi çərçivəsində evdə Kosovoya 0:1 hesabı ilə uduzub. Sport24.az xəbər verir ki, bu məğlubiyyətdən sonra bir çox ekspertlər millinin baş məşqçisi Con Dal Tomassonun istefasını tələb edir.
Şərhçi Peter Mörtvedt TV 2-də danimarkalı mütəxəssisin işini biabırçı adlandırıb: "Bu, İsveç futbolu tarixindəki ən böyük biabırçılıqdan biridir. Bütün isveçlilər üçün bunu izləmək utancverici, kədərli və dəhşətli idi. Dal Tomasson İsveç qəzetləri nəşrə başlamazdan əvvəl qovulacaq".
İsveç yığmasının bombardiri Yohan Elmander isə "Radiosporten"ə danışıb: "Heç bir müzakirə yoxdur. O, artıq İsveç millisində son matçını keçirib".
Qeyd edək ki, İsveç yığması 4 oyundan sonra bir xalla B qrupunda sonuncudur.
