Sport24.az
"Napoli"nin baş məşqçisi Antonio Konte komandada qalmaq üçün rəhbərliyin qarşısına şərtlər qoyub. Sport24.az xəbər verir ki, italyan mütəxəssisin 4 şərti var.
Bu barədə yerli mətbuat mlumat yayıb.
Kontenin ilk tələbi 200 milyon avroluq transfer büdcəsinin ayrılmasıdır. İkinci tələb 8-9 ransferin edilməsidir. 55 yaşlı məşqçi hazırkı heyətin geniş olmadığını düşünür. Kontenin növbəti şərti komandanın maaş büdcəsinin 80 milyon avrodan 110 milyon avroya yüksəldilməsidir. Baş məşqçi həmçinin, klubun məşq bazasını bəyənmir. O, burada müəyyən işlərin görülməli olduğunu rəhbərliyə çatdırıb.
Qeyd edək ki, Antonio Konte mövsümün əvvəlində "Napoli"nin baş məşqçisi təyin olunub. Neapol təmsilçisi A Seriyasında son tur öncəsi "İnter"dən 1 xal öncə olmaqla liderdir.
