Sport24.az
"Napoli"nin baş məşqçisi Antonio Konte A seriyasının hakimlərindən danışıb. Sport24.az xəbər verir ki, mütəxəssis hakim qərarlarından narazılığını ifadə edib:
"Hakimlərdən danışmağa, hansısa məsələni qaldırmağa başlayan kimi səs-küy yaranır. Biri söz deyən kimi hər şey qalmaqal başlayır. Ayıbdır. İtaliyada jakimlik sisteminin təməli möhkəm deyil.
Kimsə ayağa qalxıb İtaliya futbolunu yaxşılaşdırmaqdan danışan kimi görürsən ki, nə baş verir... Mən reallıqdan danışıram. Fikir bildirən insanları rahat buraxaq. Və ümid edək ki, hakimlər də qərarları diqqətlə verəcəklər.
Mən başa düşə bilmirəm ki, hakimləri niyə monitora çağırmırlar. VAR hakimi epizodu nəzərdən keçirməlidir, referini monitora dəvət etməlidir. Əgər bir səhv varsa, hakim bunu bilməlidir və qərarı dəyişmək məcburiyyətində qalmalıdır".
