Sport24.az
"Milan"ın baş məşqçisi Serji Konseysau İtaliya Superkubokunda finala yüksəlmələrini şərh edib. Sport24.az xəbər verir ki, mütəxəssis yarımfinalda "Yuventus"u 2:1 hesabıyla məğlub etdikləri matçdan sonra bunları deyib:
"Komandam ikinci hissədəki oyunu ilə qələbəyə layiq idi. Birinci hissədə yaxşı deyildik, topu hərəkət etdirmirdik, təzyiq qurmurduq. Fasilədən sonra bəzi şeyləri dəyişə biləcək gücdə olduğumuzu başa düşdüm. Məğlub olsaydıq da, məsuliyyət məndə olacaqdı. İkinci hissədə çox cəsarətli oynadıq. Xoşbəxtəm, amma hələ nəsə əldə etməmişik".
