Sport24.az
2024/25 "futbol ili"ndə I Liqada mübarizə aparacaq "Qəbələ" yeni mövsümə hazırlığı davam etdirir. Sport24.az xəbər verir ki, doğma bölgədə toplanış keçən "qırmızı-qaralar" sabah I Liqanın daha bir təmsilçisi "Zaqatala" ilə yoxlama görüşü keçirməyi planlaşdırır.
Bölgə təmsilçisinin baş məşqçisi Kaxaber Tsxadadze məhz "Zaqatala" ilə oyundan sonra düşərgəyə yeni qoşulan legionerlərlə bağlı son qərarını verəcək.
Bu arada isə komandanın düşərgəsinə daha bir legionerin qoşulduğunu qeyd edək. Söhbət Domi Moussumadan gedir. Konqo U-23 yığmasının da şərəfini qoruyan futbolçu son olaraq vətənində "Diables Noirs"in formasını geyinib. Vinger və hücumçu mövqeyində çıxış edən Domi Afrika Konfrans Liqasında 21 və Çempionlar Liqasında 4 oyuna çıxıb və 3 qol, 1 məhsuldar ötürmə ilə yadda qalıb.
