Sport24.az
UEFA Konfrans Liqasının II təsnifat mərhələsinin ilk oyunlarından sonra Azərbaycan klublarının növbəti mərhələ üçün şansları bəlli olub. Sport24.az xəbər verir ki, bu barədə "Football Meets Data" araşdırma aparıb.
Bu raundda çıxış edən cütlərin növbəti mərhələ şansları faizlə göstərilib.
Təmsilçilərimizdən ən çox "Sabah"a şans verilib. Moldovada "Petrokub"u iki cavabsız qolla üstələyən "bayquşlar"ın növbəti raunda yüksəlmək ehtimalı 95 faizdir.
Bakıda Yunanıstanın "Aris" kollektivini məğlub edən (2:1) "Araz-Naxçıvan"da bu rəqəm 56, Xorvatiyanın "Hayduk" kollektivi ilə heç-heçə (1:1) "Zirə"də 32 faizdir.
Qeyd edək ki, cavab qarşılaşmaları növbəti həftə keçiriləcək.
