Idman.biz
"Liverpul"un müdafiəçisi İbrahima Konate nə üçün çox pul xərcləməkdən "qorxduğunu" açıqlayıb.
İdman.Biz bildirir ki, fransalı Konate 2021-ci ildən "Liverpul"dadır. Transfermarkt onu 60 milyon avro qiymətində dəyərləndirir.
"Mən qardaşlarımın hər birinin sayəsində bu gün olduğum oyunçu oldum. İyirmi il əvvəl PSJ akademiyasındakı ilk addımlarımdan "Liverpul"a keçidimə qədər, onlar həmişə mənə inanılmaz dərəcədə dəstək oldular.
Mən gedonist və ya şəxsi zövqlərə tamamilə heç nə xərcləməmişəm. Yeni maşın, paltar, ayaqqabı almamışam. Heç nə. Çox qorxurdum ki, mənə "dəyişmisən" deyəcəklər.
Futbolçuların ailəyə nə qədər ehtiyacı olduğunu təsəvvür edə bilməzsiniz. Bizi az-çox yaxşı niyyətli insanlar əhatə edir. Onların doxsan beş faizi mən İbrahimaya görə yox, futbolçu Konateyə görə ordadır. Mənim şöhrətimdən sui-istifadə etmək istəyirlər, amma əslində mən onları maraqlandırmıram. Kimsə mənimlə əlaqə saxlamağa cəhd edəndə onu süzgəcdən keçirirəm" – "Liverpul"un müdafiəçisi deyib.
Fransalı etiraf edib ki, o, bəzən böyük məbləğdə pul xərcləyə bilir: "Bəzən həddindən artıq bədxərc oluram, xüsusən də geyim baxımından".
