Idman.biz
Yeni mövsümə hazırlaşan "Komo" və "Betis"in futbolçuları yoxlama oyunu zamanı dava salıblar.
İdman.biz xəbər verir ki, komandalar İspaniyada qarşılaşıb və oyun 3:2 hesabı ilə İtaliya təmsilçisi "Komo"nun qələbəsi ilə başa çatıb.
Birinci hissəyə əlavə olunmuş vaxtda ispaniyalı futbolçunun oyun epizodunda yerə yıxılmasından sonra futbolçular arasında dava düşüb.
"Betis"in yarımmüdafiəçisi Pablo Fornals və "Komo"nun yarımmüdafiəçisi Maksimo Perrone bir-birilərinə şillə vurublar.
Fornals qırmızı vərəqədən yayına bilsə də, Perrone meydandan qovulub. Həmçinin hakimlə mübahisəyə görə "Betis"in oyunçusu Ektor Bellerin də qırmızı vərəqə alıb.
Yeni mövsümə hazırlaşan digər komandaların yoxlama oyunları:
"Arsenal" - "Vilyarreal" - 2:3
"Aston Villa" - "Roma" - 4:0
"Atalanta" - "Montsa" - 2:1
"Lill" - "Venetsiya" - 3:0
"Şturm" - "Strasburq" - 2:3
İdman.biz
