Sport24.az
"Komo"nun prezidenti Mirvan Suvarso baş məşqçi Sesk Fabreqasın gələcək perspektivlərindən danışıb. Klub prezidenti bununla bağlı "Sportitalia"yaya açıqlama verib:
"Bizim varislik planımız olmalıdır - təkcə məşqçi üçün deyil, bütün funksionerlər üçün. Hətta mənim yerimə də artıq bir namizədim var. Biz hamımız çalışırıq və bütün vəzifələrdə - baş direktordan tutmuş heyətə qədər - yerimizi tuta biləcək insanları yetişdiririk. Bu, əlbəttə ki, çox vacibdir. Sesk sadəcə məşqçi deyil, həm səhmdardır, həm də klubun fəlsəfəsini formalaşdıran adamdır. Ona görə də o, bir gün gedəcəyi halda onu əvəzləyə biləcək birini yerinə hazırlamalıdır".
Qeyd edək ki, 38 yaşlı məşqçi İtaliyadakı uğurlu fəaliyyətindən sonra top-klubların maraq dairəsinə düşüb. İspan yayda "İnter"də Simone İnzaqinin əvəzedicisi hesab edilsə də, qalmaq qərarına gəldi. Onun yaxın vaxtlarda böyük klublardan yeni təkliflər alacağı gözlənilir.
