Sport24.az
Premyer Liqanın startına 11 gün qalmasına baxmayaraq, hələ də Hakim və Hakim-İnspektorlar Komitəsinə rəhbərlik edəcək şəxsin kim olacağı bilinmir. Yalnız o məlumdu ki, komitəyə əcnəbi funsksioner başçılıq edəcək. Sport24.az-ın əldə etdiyi məlumata görə, AFFA rəhbərliyi yaxın vaxtlarda sözügedən vəzifəyə rəhbərlik etmək üçün xarici mütəxəssisə dəvət göndərib. Ancaq...
Assosiasiyanın əlaqə saxladığı şəxs rəhbərlikdən yüksək maaş tələb edib. Mənbəmizin redaksiyamıza ötürdüyü informasiyaya inansaq, xarici funksioner aylıq 60 min avro maaş tələb edib ki, bu da AFFA rəhbərliyini qane etməyib. Bu üzdən hələ də bu post boş qalıb.
Qeyd edək ki, son iki ildə Hakim və Hakim-İnspektorlar Komitəsinə türkiyəli mütəxəssis Barış Şimşək rəhbərlik edib.
