Idman.biz
ABŞ-də keçirilən 2025-ci il FIFA klubların dünya çempionatı davam edir.
İdman.biz xəbər verir ki, bu gün Bakı vaxtilə səhər E qrupunda sonuncu turun oyunları keçirilib.
"İnter" 66-cı dəqiqədən azlıqda qalan, 90+5-ci dəqiqədə ikinci qırmızı vərəqə ilə cəzalandırılan "River Pleyt"ə qalib gəlib - 2:0.
Heyətində Serxio Ramosun çıxış etdiyi "Monterrey" isə çətinlik çəkmədən Yaponiyanın "Urava Red" komandasına qalib gəlib - 4:0.
Beləliklə, 7 xalla birinci olan Milan təmsilçisi və 5 xalla ikinci yeri tutan Meksika klubu növbəti mərhələyə yüksəliblər.
1/8 finalda "İnter" "Fluminense" ilə, "Monterrey" isə "Borussiya Dortmund" ilə qarşılaşacaq.
Bu gün G qrupunda da mübarizə başa çatacaq. Hərəyə 6 xalı olan "Yuventus" və "Mançester Siti" qrupda kimin 1-ci yeri tutacağını müəyyənləşdirəcəklər. "Vidad" - "Əl-Əyn" görüşündə isə rəqiblərdən biri və ya elə hər ikisi ilk xallarını qazanacaqlar.
Qeyd edək ki, qarşılaşmalar Bakı vaxtilə saat 23:00-da başlayacaq.
İdman.biz
