Sport24.az
İyunun 15-də start götürüləcək klublararası dünya çempionatının ölkəmizdə yayımlayacaq kanal məlum olub. Sport24.az xəbər verir ki, ABŞ-da keçiriləcək çempionatı Azad Azərbaycan (ATV) kanalı yayımlayacaq.
Bu barədə məlumat kanalın "El Canlı" verilişində verilib.
Qeyd edək ki, turnirin ilk görüşündə Misir təmsilçisi "Əl-Əhli" "İnter Mayami" ilə qarşılaşacaq. Klublararası dünya çempionatı iyunun 15-dən iyulun 13-dək keçiriləcək. Qrup mərhələsi iyunun 14-də başlayacaq və iyunun 26-da başa çatacaq. Pley-off isə iyunun 28-dən iyulun 9-dək davam edəcək. Final iyulun 13-ə planlaşdırılıb.
