Sport24.az
Mərakeş 2029-cu ildə keçiriləcək Klublararası Dünya Çempionatına ev sahibliyi edə bilər. Sport24.az xəbər verir ki, "Hesport"un məlumatına görə, futbolun qitə və beynəlxalq dairələrində ölkə digər namizədlər arasında əsas favorit kimi qiymətləndirilib.
Beləliklə, Mərakeşin turnirə ev sahibliyi etmə ehtimalının yüksək olduğu bəlli olub.
Məlumata görə, qərarın rəsmi olaraq FİFA tərəfindən açıqlanacağı gözlənilsə də, qərarverici strukturlarda ümumi mövqe artıq formalaşıb.
Xatırladaq ki, 2029-cu il turniri Klublararası Dünya Çempionatının yeni genişləndirilmiş format üzrə ikinci yarışı olacaq. Bu sistem ilk dəfə 2025-ci ilin yayında ABŞ-da tətbiq edilib və turnirdə 32 klub iştirak edib. Yarış dörd ildən bir milli komandalar arasında keçirilən dünya çempionatı formatına uyğun təşkil olunur.
