Idman.biz
Portuqaliyanın 15 yaşadək futbolçulardan ibarət komandasında debüt edən oğul Kriştiano Ronaldo ikinci beynəlxalq oyununu keçirib.
İdman.biz xəbər verir ki, Xorvatiyada keçirilən Vlatko Markoviç turnirinə çağırılan 14 yaşlı futbolçu Yunanıstan U-15 komandası ilə 1:1 hesabı ilə başa çatan qarşılaşmada start heyətində meydana çıxıb, sol vinger mövqeyində oynayıb və 59-cu dəqiqədə əvəz olunub.
"The Sun" nəşrinin məlumatına əsasən, hazırda "Əl-Nəsr"in yeniyetmələr komandasının üzvü olan futbolçunun oyununu izləmək üçün bir sıra klublar, o cümlədən onu yaxşı tanıyan "Mançester Yunayted" skautlarını turnirə göndəriblər. Oğul Kriştiano 14 ay "Qırmızı şeytanlar"da oynayıb, özü də digər məşhur futbolçunun oğlu Kay Runi ilə birlikdə.
Ronaldonun oğlu üçün rəqabət şiddətli olacaq. İngiltərənin digər təmsilçisi "Tottenhem" də bu mübarizədə var. "Bavariya", "Borussiya Dortmund", "Leypsiq" və "Hoffenhaym" da daxil olmaqla, 10 alman klubunun, həmçinin "İnter", "Yuventus", "Atalanta" və "Zalsburq"un skautları da tribunada olublar.
Qeyd edək ki, Yaponiya komandasına 4:1 hesabı ilə qalib gəldikləri ilk oyunda isə oğul Kriştiano 53-cü dəqiqədə meydana daxil olmuşdu.
İdman.biz
