Sport24.az
"Napoli"nin idman direktoru Covanni Manna komandanın baş məşqçisi Antonio Kontenin gələcəyindən danışıb. Sport24.az xəbər verir ki, İtaliya mətbuatına açıqlama verən funksioner mütəxəssislə yola davam edəcəklərini deyib:
"Kontenin müqaviləsi davam edir və komandanın çıxışı qənaətbəxşdir. Ümid edirəm ki, növbəti mövsüm də Konte ilə hansısa problem olmadan işləməyə davam edəcəyik".
Kontenin klubla sözləşməsi 2027-ci ilin yayına kimidir. Komanda A Seriyasında 29 turdan sonra 61 xalla ikinci sıradadır.
