Lent.az
"Liverpul"un keçmiş baş məşqçisi Yurgen Klopp "Real"ın təklifi ilə bağlı fikrini dəyişib.
Lent.az-ın xəbərinə görə, "Marca" yazır ki, alman mütəxəssis "Kral klubu"ndan imtina etdiyinə görə peşman olub.
"Real"ın nümayəndələri ilə söhbətində Klopp potensial əməkdaşlıqla bağlı tərəddüdlərini bölüşüb. İndi məşqçi Madrid klubunun təklifini qəbul etməyə hazır olardı. Lakin "Real" Xabi Alonso ilə razılaşdığı üçün təyinat mümkünsüz olub.
Klopp 2019/20 Premyer Liqa çempionluğu, 2018/19 Çempionlar Liqası və digər kuboklar qazanaraq "qırmızılar"ı 8,5 il çalışdırdıqdan sonra keçən yay "Liverpul"u tərk edib. Bu il o, "Red Bull" komandasında futbol rəhbəri olub.
