Idman.biz
Kiyev "Dinamo"sunun sabiq futbolçusu, üçqat SSRİ çempionu İvan Yaremçuk Polşada həbs edilib.
İdman.Biz Ukrayna mətbuatına istinadən xəbər verir ki, 63 yaşlı veteran futbolçu son illərdə Avropada – Almaniya, Çexiya və Belçikada yaşayıb.
O, oktyabrın 10-da Polşaya səfər edib - məqsədi Ukrayna və Azərbaycan yığmaları arasında keçiriləcək DÇ-2026 seçmə oyunundan öncə veteranlar matçında iştirak etməkimiş. Lakin Yaremçuk Krakov hava limanında polis tərəfindən saxlanılıb.
Futbolçunun qardaşı Mixail Yaremçuk bildirib ki, İvan telefonla ailəsinə sadəcə "məni saxlayıblar" deməyə macal tapıb, daha sonra əlaqə kəsilib:
"Biz bilmirik, Vanyanı niyə həbs ediblər. Polşada yaşayan tanışlarımız polisə zəng ediblər, onlara bildirilib ki, guya məsələ onun Çexiyadakı işləri ilə bağlıdır".
Qeyd edək ki, İvan Yaremçuk 1988-ci ildə Kuboklar Kubokunun qalibi olub, həmçinin 1986 və 1990-cu illərin dünya çempionatlarında iştirak edib.
Məlumata görə, o, bir müddət qumar asılılığından əziyyət çəkib və bu səbəbdən evini və bütün pullarını itirib.
