Idman.biz
"Liverpul" misirli hücumçu Məhəmməd Salahın 2026-cı ilin yanvar ayında satılması barədə qərar qəbul edilib.
İdman.Biz xəbər verir ki, bu barədə "İndykaila News" məlumat yayıb.
Xəbərdə iddia olunur ki, Salah bütün variantlara açıqdır - o, "Barselona", "Real" (Madrid) və ya "Bavariya"ya keçidi nəzərdən keçirməyə hazırdır.
Bununla belə, Səudiyyə Ərəbistanından gələcək təklif də futbolçu üçün cəlbedici ola bilər.
Xatırladaq ki, bundan əvvəl misirli futbolçu baş məşqçi Arne Slotu tənqid etmiş və komandadakı rolundan narazılığını ifadə etmişdi. Salah ardıcıl üç görüşdə start heyətinə düşməyib. Daha sonra isə onun adı, Çempionlar Liqasının "İnter"lə oyununa daxil edilməyib.
Cari mövsümdə Salah "Liverpul"da 19 matça çıxıb, beş qol vurub və üç məhsuldar ötürmə edib. Hücumçunun klubla qüvvədə olan müqaviləsi 2027-ci ilin yayına qədərdir.
