Idman.biz
Fransalı futbolçu Kinqsli Koman karyerasını Səudiyyə Ərəbistanının "Əl-Nəsr" klubunda davam etdirəcək.
İdman.biz xəbər verir ki, 29 yaşlı vinger "Bavariya"dan ayrılması ilə bağlı açıqlama verib.
Daha əvvəl PSJ və "Yuventus"da oynamış Komanın ulduzu 2015-ci ildən çıxış etdiyi Münhen klubunda parlayıb: "İnanmaq çətindir ki, Münhendə yaşamağa başlayandan bu yana 10 ilə yaxın vaxt keçib. Mən 19 yaşımda buraya gəlmişdim. Bu müddət ərzində bu inanılmaz klubla birlikdə unudulmaz xatirələr və uğurlar yaşamaq mənə qismət oldu: doqquz Bundesliqa çempionluğu, altı Superkubok, üç Almaniya kuboku, klubların dünya çempionluğu və ən çox fəxr etdiyim an - 2020-ci ildə Lissabonda Çempionlar Liqasının finalında vurduğum qələbə qolu...
Bu klub hər zaman mənim bir parçam olaraq qalacaq. "Bavariya"ya qarşıdakı mövsümlərdə yalnız uğurlar arzulayıram. Sizin hər birinizə qəlbən təşəkkür edirəm".
Koman 10 mövsüm ərzində (ilk ikisi icarə əsasında) "Bavariya"da ümumilikdə 339 oyunda 72 qol vurub və 71 məhsuldar ötürmə edib. O, "Əl-Nəsr" klubu ilə 30 iyun 2028-ci ilədək müqavilə imzalayıb.
İdman.biz
