Idman.biz
"Real Madrid"in hücumçusu Kilian Mbappeyə "Qızıl Buts" mükafatı təqdim olunub.
İdman.Biz bildirir ki, forvard ötən mövsüm La Liqada 34 oyunda 31 qol vurub.
"Qızıl Buts"u almaq mənim üçün şərəfdir. Bu mükafata görə hamınıza təşəkkür edirəm. Bu, mənim üçün çox vacibdir. Bu, çox şey ifadə edir. Komanda yoldaşlarıma burada olduqları və həmişə mənə kömək etdikləri üçün təşəkkür etmək istəyirəm. Biz inanılmaz bir komandayıq və çox şey qazana bilirik.
"Real Madrid"də oynamaqdan məmnunam; bu, uşaqlıqdan bəri həmişə arzum olub. İndi buradayam və ümid edirəm ki, uzun illər burada oynayacağam. "Real Madrid" azarkeşlərinə təşəkkür etmək istəyirəm; onların dəstəyi mənim üçün çox şey ifadə edir.
Növbəti dəfə də "Qızıl Buts"u qazanmağa ümid edirəm. Yaxşı başlanğıc etmişəm, amma hələ baxacağıq", - Mbappe mükafatı aldıqdan sonra deyib.
