Idman.biz
"Diqqətimizi İslandiyaya yönəltməzdən əvvəl Azərbaycanla matça ciddi yanaşmalıyıq. Hər oyunun öz reallığı var və biz sabah qələbə qazanmalıyıq".
İdman.Biz xəbər verir ki, bu sözləri Fransa millisinin futbolçusu Kilian Mbappe DÇ-2026-nın seçmə mərhələsində Parisdə Azərbaycana qarşı keçirəcəkləri oyundan öncə təşkil olunan mətbuat konfransında deyib.
27 yaşlı hücumçu yığmamızın seçmə mərhələnin son turunda Bakıda Ukrayna ilə heç-heçə etməsini xüsusi vurğulayıb: "Bu qarşılaşma İslandiya ilə matçdan az önəmli deyil. Məqsəd dünya çempionatına vəsiqə qazanmaqdır. Vəsiqə təmin olunana qədər mübarizə aparmalıyıq".
Meydana çıxmağa hazır olduğunu söyləyən forvard istənilən komandaya qol vura biləcəyini deyib: "Əgər desəm ki, istənilən rəqibə qarşı qol vura bilərəm, doğru olmaz. Azərbaycan millisi Ukrayna ilə heç-heçə edib. Biz də Ukrayna ilə matçda asanlıqla qələbə qazana bilmədik. Bu, sadəcə üç xal dəyərində bir oyundur. Məqsəd təkcə çoxlu qol vurmaq deyil, amma fürsət yaranarsa, əlbəttə ki, bundan çəkinməyəcəyik. Mən sabah oynamaq istəyirəm, baş məşqçi də buna qarşı deyil. Ciddi problemlərin olacağını düşünmürəm, özümü yaxşı hiss edirəm. Bu gün məşq edəcəyəm, bu oyunöncəsi son hazırlıq olacaq. Xüsusi narahatlığım yoxdur".
Mbappe Olivye Jirunun rekordu ilə bağlı da fikrini açıqlayıb: "Düşünürəm ki, Jirunun rekordunu qıracağam, amma nə vaxt olacağını bilmirəm. Bəlkə sabah, kim bilir?".
Qeyd edək ki, oktyabrın 10-da "Park de Prens" stadionunda keçiriləcək Fransa - Azərbaycan görüşü Bakı vaxtı ilə saat 22:45-də start götürəcək.
