Sport24.az
"Real" və Fransa millisinin hücumçusu Kilian Mbappe Ukrayna ilə matçda klub və milli karyerasında 399-cu və 400-cü qollarını vurub. Sport24.az xəbər verir ki, forvard "RMC Sport"a açıqlamasında yubiley qolunu şərh edib:
"400 qol insanları heyran etmək üçün yetərli deyil. Onları şoka salanlardan biri olmaq istəyirsinizsə, daha 400 qol vurmalısınız. Ronaldodan 1000 qol? Bu, qeyri-realdır. Amma gəlin qeyri-real olana can ataq. Çalışmalıyıq, bizim yalnız bir karyeramız var".
Qeyd edək ki, 26 yaşında fransız hücumçu futbol tarixində əfsanəvi Peledən sonra bu göstəriciyə çatan ikinci ən gənc oyunçu olub.
