Idman.biz
"Real Madrid"in 26 yaşlı fransız hücumçusu Kilian Mbappe "Mahou" jurnalı tərəfindən sentyabr ayı üçün komandasının "ayın oyunçusu" seçilib.
İdman.Biz xəbər verir ki, bu barədə klubun rəsmi saytı məlumat yayıb.
"Yenidən ayın oyunçusu seçilmək çox xoşdur. Bir çox oyun qazandıq və çoxlu qol vurduq. Yolumuza davam edirik, çıxışlarımızdan və qələbələrimizdən çox məmnunuq. Ümid edirik ki, bu ruhda davam edəcəyik", - Mbappe klubun rəsmi saytında bildirib.
Bu, oyunçunun "Real Madrid"dəki görkəmli nailiyyətlərini nəzərə alaraq ardıcıl mükafatı aldığı ikinci aydır. Mbappe daha əvvəl Çempionlar Liqasının 2-ci turunda həftənin oyunçusu və sentyabrda La Liqada ayın oyunçusu seçilmişdi.
Bu mövsüm hücumçu "Real"ın heyətində bütün yarışlarda 12 oyun keçirib, 15 qol vurub və iki məhsuldar ötürmə edib.
