Sport24.az
"Real"ın fransalı hücumçusu Kilian Mbappe "Qızıl buts"a iddialı üç namizəd arasındadır. Sport24.az xəbər verir ki, bu barədə "A Bola" məlumat yayıb.
Futbolçunun La Liqanın 35-ci turunda "Barselona"ya qarşı het-trikindən sonra aktivində 54 xalı var. La Liqada hər qola görə bir futbolçu "Qızıl buts" reytinqində iki xal qazanır.
Siyahının zirvəsində isə Portuqaliya çempionatında vurduğu 38 qola 57 xala malik "Sportinq"in hücumçusu Viktor Qyokeres qərarlaşıb. "Liverpul"un vingeri Məhəmməd Salah 28 qol və 56 xalla ikinci yerdədir.
İlk "beşlik"də öz liqalarında 25 qol vuran və 50 xal qazanan "Barselona"nın hücumçusu Robert Levandovski və "Bavariya"nın forvardı Harri Keyn də var.
Qeyd edək ki, "Qızıl buts" UEFA-ya daxil olan ölkə çempionatlarının ən yaxşı bombardirinə verilir.
