Idman.biz
Almaniya Bundesliqasında beşinci turun bir qarşılaşması keçirilib.
İdman.biz bildirir ki, "Bavariya" öz meydançasında "Verder"i qəbul edib.
Oyunda hesabı 22-ci dəqiqədə meydan sahiblərinin oyunçusu Ta açıb – 1:0.
Daha sonra Harri Keyn 45-ci və 65-ci dəqiqələrdə hesab arasındakı fərqi 3 topa çatdırıb.
87-ci dəqiqədə isə Laymer dördüncü topu bremenlilərin qapısından keçirib – 4:0.
Beləliklə, "Bavariya" bu mövsümdə 5 oyunda beşinci qələbəsini qazanıb və çempionatın vahid lideridir. "Verder" 4 xalla 14-cü yerdədir.
