Sport24.az
Madrid "Real"ının keçmiş qapıçısı Keylor Navas qanunla bağlı problemlər yaşayır, özü də üç ölkədə. Sport24.az xəbər verir ki, kosta rikalı futbolçu hazırda Argentinanın "Nyuells Old Boyz" klubunda çıxış edir.
"Sportmediaset" Navasın problemlərini sadalayıb.
O, vətəni Kosta Rikada biznesi ilə bağlı çətinliklər yaşayır. Belə ki, texniki problemlər ona qarşı 150 min dollarlıq iddiaya səbəb olub.
İspaniyada Keylorun keçmiş agentinə 250 min avrodan çox borcu var. Qapıçı onunla müqaviləni birtərəfli qaydada ləğv edib.
Fransadakı problem isə daha ağırdır. O, bir işçini istismar etməkdə günahlandırılır. Belə ki, iş tapşırdığı fəhləni pəncərələri olmayan nəm zirzəmiyə yerləşdiribmiş. Ona ödənişi də müntəzəm ödəməyibmiş.
Üstəlik Navasın heyətində artıq 4 oyun keçirdiyi "Nyuells Old Boyz" da Argentina çempionatının turnir cədvəlində autsayderlər qrupunda qərarlaşıb.
