Idman.biz
"Liverpul"un macar müdafiəçisi Miloş Kerkez Premyer Liqanın 8-ci turunda "Mançester Yunayted"lə qarşılaşma ilə bağlı gözləntilərini bölüşüb.
İdman.Biz xəbər verir ki, Kerkez "Enfild"də oynayanda özünü həmişə fərqli hiss etdiyini də qeyd edib.
"Mən bu matçı səbirsizliklə gözləyirəm. Bu, böyük oyundur və qələbə klub üçün vacibdir. Biz hazırlaşırıq və hər kəs enerji ilə doludur. Bir çoxumuz milli komandalarımızda yaxşı oynadıq və qalib gəldik, ona görə də "Mançester Yunayted"lə oyunu səbirsizliklə gözləyirik.
"Enfild"də oynayanda özümü həmişə fərqli hiss edirəm. Düzünü desəm, özümü enerjili hiss edirəm və yorğun deyiləm. Bilirəm ki, azarkeşlərimiz həmişə olduğu kimi bizi dəstəkləyəcək. Onlar bizə çox güc verirlər. Bu, böyük bir matç olacaq. Biz azarkeşlərə və kluba borcumuzu qaytarmaq istəyirik", - deyə Kerkez "Liverpul"un rəsmi saytına bildirib.
