Sport24.az
Dünən keçrilən "Kəpəz" - "Sabah" oyunundan sonra nominal meydan sahiblərinin futbolçusu Kərim Lkoça Sport24.az-ın Tovuza ezam olunmuş əmədaşına müsahibə verib.
- Öncə oyunla bağlı fikirlərini bölüşərdin...
- Bu gün çox istəkliydik. Oyuna yaxşı başladıq. İlk hissədə 2 qol vurmaqla rəqibi çətin vəziyyətə saldıq. İlk 45 dəqiqəni üstün keçirdik. Təəssüf ki, fasilədən sonra üstünlüyümüzü qoruya bilmədik. Bu gün ən azı 1 xal götürməliydik. Xalsız qaldığımıza görə məyusuq. Amma qol vurmağımız vacib idi. Bu bizə gələcəklə bağlı daha nikbin olmağa əsas verir.
- Bu gün iki məhsuldar ötürmə ilə yadda qaldın. Artıq formaya düşdüyünü demək olar?
- Qol ötürmələrimi fərdi uğur hesab edirəm. Amma bunun yekunda komandama heç bir faydası olmadığı üçün assist etməyimdən zövq almadım.
- Komanda məğlub olsa da, qol hesabını açdı. Bu sizə qarşıdakı oyunlar üçün motivasiya ola bilər?
- Biz hər oyuna qələbə qazanmaq üçün çıxırıq. Sadəcə, istəyimizi reallaşdırmaqda çətinlik çəkirik. Buna baxmayaraq, qarşıdakı turlarda xal və xallar qazanmaq üçün maksimum səy göstərəcəyik.
ABDULLA İSMAYILOĞLU
